بدون رسوم تسجيل، بدون اشتراك، و0% عمولة. تحصل على صفحة متجر خاصة فيك ورابط على aswaqfy.com، وتبيع في كل عُمان. تسجيل التجار مفتوح الحين.
عندك متجر؟ سجّل دخولك
0%
عمولة على مبيعاتك
كل تاجر يحصل على صفحة متجر على aswaqfy.com/store/رابطك. خلّها بهوية علامتك، وشارك الرابط في إنستغرام وواتساب، وعملاؤك يشترون منه مباشرة، حتى بدون ما يسوون حساب.
العملاء اللي ما يتابعونك يقدرون يلقونك بالبحث، مع باقي المتاجر العُمانية.
المشتري يدفع أونلاين، ومبلغه محفوظ لين يوصله طلبه. وهذا يخلي اللي يشتري منك أول مرة يثق فيك.
ما ناخذ نسبة من مبيعاتك. أسعارك لك.
صفحة متجر ورابط خاص فيك، بشعارك وألوانك وقصتك.
دفع أونلاين، وأسعار توصيل لكل محافظة توصّل لها، وتوصيل مجاني فوق مبلغ تحدده إذا تبي، ونقاط استلام أسواقفاي، وتتبع الطلبات.
عملاؤك يتسوقون بالعربي أو الإنجليزي، على الموقع وتطبيق الآيفون.
بالبطاقة أو OmanNet عن طريق Paymob، وأسواقفاي تحفظ المبلغ.
جهّزه وأرسله، وحدّث حالته إلى «تم التوصيل».
إذا مرت فترة طلب الاسترداد (48 ساعة بعد التوصيل) بدون أي مشكلة، ينزل المبلغ في محفظتك.
يتحوّل المبلغ لحسابك البنكي. ما فيه يوم ثابت للتحويل، وتقدر أيضاً تطلب التحويل بنفسك.
نتحقق من هويتك مرة وحدة (ترسل البطاقة المدنية أو الجواز على واتساب)، ونتحقق من بياناتك البنكية.
اسمك واسم متجرك ورقم هاتف عُماني ومدينة متجرك ورقم السجل التجاري (من 7 إلى 10 أرقام)، وبريد وكلمة مرور. طلاب الجامعات يقدرون يستخدمون البطاقة الجامعية بدل السجل التجاري.
من لوحة التاجر افتح «التوصيل» وفعّل محافظة وحدة على الأقل مع سعر التوصيل (المجاني يمشي) واحفظ. نحتاج هالخطوة قبل ما نوافق على متجرك.
فريق أسواقفاي يراجع بياناتك ويوافق على متجرك. الطلاب اللي ما عندهم سجل تجاري نتحقق من بطاقتهم الجامعية أول. لوحة التاجر تبيّن «متجرك مفعّل» أول ما نوافق.
بعد الموافقة أضف منتجاتك: صورتين على الأقل، واسم بالعربي، ووصف بالعربي (60 حرف أو أكثر)، وسعر وتصنيف و3 تفاصيل. نراجع كل منتج قبل ما يظهر.
اقبل كل طلب جديد من لوحة التاجر ووصّله (الطلبات المدفوعة اللي ما ترد عليها تنلغي تلقائياً). قبل أول تحويل أضف رقم الآيبان العُماني في «المحفظة» وتحقق من هويتك مرة وحدة على واتساب.
عندك متجر؟ سجّل دخولك
نعم، للتجار. بدون رسوم تسجيل، بدون اشتراك، و0% عمولة. اتفاقية التاجر تنص إن أسواقفاي ما تاخذ من التاجر أي عمولة أو رسوم من أي نوع، وإنها تبلغك قبل 30 يوم على الأقل لو أضافت أي رسوم على التاجر.
سعر منتجك، ورسوم التوصيل اللي تحددها، ورسوم حماية المشتري: 3% من قيمة المنتجات والتوصيل، وبحد أدنى 0.100 ر.ع، يدفعها عند الدفع. هذي الرسوم يدفعها المشتري وما تنخصم منك. أسواقفاي مجانية للتجار، مو للمشترين.
نعم. تحصل على صفحة على aswaqfy.com/store/رابطك، بشعارك وبانرك وألوانك وخطك وقصتك ومجموعاتك ومنتجاتك المختارة. شارك الرابط وين ما تبي، وعملاؤك يشترون منه مباشرة حتى بدون حساب.
بعد ما تتحدث حالة الطلب إلى «تم التوصيل» وتمر فترة طلب الاسترداد (48 ساعة) بدون مشكلة، ينزل المبلغ في محفظتك ويتحوّل لحسابك البنكي. ما فيه يوم ثابت للتحويل، وتقدر أيضاً تطلب التحويل بنفسك.
نعم. طلاب جامعة السلطان قابوس والجامعة الألمانية للتكنولوجيا (GUtech) يقدرون يفتحون متجر طالب بالبطاقة الجامعية بدل السجل التجاري. متاجر الطلاب تظهر في قسم «بزنس طلابي»، وتقدر تستخدم التوصيل للحرم ونقطة الالتقاء.
بيانات متجرك، ورقم هاتف عُماني، وإيميل ما عليه حساب في أسواقفاي، ورقم السجل التجاري (من 7 إلى 10 أرقام)، أو البطاقة الجامعية إذا كنت طالب جامعة. بعد التسجيل تحدد مناطق التوصيل وأسعارها من لوحة التاجر، ونحتاجها قبل ما نوافق على متجرك. وقبل أول تحويل، نتحقق من هويتك (البطاقة المدنية أو الجواز) ومن بياناتك البنكية.
اضغط «تسجيل الدخول» في aswaqfy.com وادخل بإيميل متجرك وكلمة المرور. المتسوّقين والتجار يسجّلون دخولهم من نفس المكان، والتاجر يروح مباشرة للوحة التاجر.
لا، حساب المتسوّق ما يقدر يفتح متجر. سجّل متجرك بإيميل ثاني.
نعم. العميل يقدر يشتري مباشرة من رابط متجرك كضيف، بدون ما يسوي حساب.
تحدد سعر التوصيل لكل محافظة توصّل لها، وتقدر تخلي التوصيل مجاني فوق مبلغ تحدده. ووين ما تكون فيه نقطة استلام أسواقفاي مفتوحة، يقدر العميل يستلم منها، والطلاب اللي ساكنين في الحرم يقدرون يسلّمون الطلبات بالتوصيل للحرم أو في نقطة التقاء.
التفاصيل الكاملة في اتفاقية البائع.